Símun heldur eisini fram

06. november 2020

EB/Streymur hevur longt sáttmálan við 19 ára gamla Símun Sólheim.

Símun kom undan hesum kappingarárinum til EB/Streym frá HB, sum eitt lutfalsliga óskrivað blað. Man má tó siga, at hann er vaksin við avbjóðingini. Hann hevur í ár verið við í øllum 27 dystum, harav 3 sum innskiftur.

Símun kann spæla fleiri ymisk pláss á vøllinum, men hevur í ár fyri tað mesta verið á framrættaða miðvøllinum. Hann hevur eisini skotið 3 mál, millum annað týdningarmikil mál í teimum báðum seinastu dystunum móti TB og Skála.

Sostatt hevur Símun spælt seg upp til at vera ein týdningarmikil partur av liðnum, og vit fegnast um at hann hevur valt at halda fram í EB/Streymi.

Vit ynskja Símuni og EB/Streymi tillukku við sáttmálanum og gleða okkum til komandi kappingarár.


Seinastu tíðindi

Nýggir nevndarlimir
17.11.2020
Arnar heldur fram
12.11.2020
Tap ímóti AB í seinasta leikumfari
08.11.2020
Rói Zachariasen heldur fram
06.11.2020
Seinasta leikumfar og koronustøðan
06.11.2020