Hvílandi limir, Club-1000 og árskort

Um gjaldsskipanina

EB/Streymur nýtir eina skipan hjá Elektron, har møgulleiki er at gerast hvílandi limur, limur í Club-1000 og keypa árskort til heimadystirnar hjá EB/Streymi.

Tá tú trýstir á leinki niðanfyri, skalt tú skriva neyðugu upplýsingarnar inn.

Í samband við gjalding skal upplýsast p-talið hjá tí, sum eigur kontoina, ið peningurin skal flytast av, peningastovnur og kontonummar. P-talið verður als ikki goymt, hvørki hjá Elektron ella EB/Streymi, men verður bara nýtt at sanna kontoeigaran í peningastovninum í samband við flytingina.

Tá tú meldar seg inn, er møguligt at velja ímillum fasta flyting, ella at gjalda eina ferð. Verður valt at gjalda eina ferð, er gjaldið 25 kr. hægri, sum er kostnaðurin fyri at senda bræv við Posta. Hetta gjald verður ikki kravt, um tú velur fasta flyting.

Somuleiðis ber til at tekna seg sum lim í Club 1000 við teimum fyrimunum, ið tað gevur. Vit heita eisini á tey um at tekna fasta flyting, men gjald fyri bara í ár er eisini møguligt.

Nær verður gjaldið flutt?

Hendan limaskipanin virkar soleiðis, at tá tú teknar teg, so verður gjaldið ikki goldið beinan vegin, men gjaldið verður altíð flutt umleið tann 1. í einum mánað.

Men vit síggja beinan vegin, at tú hevur teknað teg, so limaskapurin virkar frá tekningardegnum, hóast gjaldið verður flutt seinni.

Klæðir 

EB/Streymur hevur gjørt avtalu við Sport24 um, at limir fáa avsláttur tá teir keypa venjingarbúna felagsins.

Árskort 2021

Árskortið 2021 hjá EB/Streymi gevur atgongd til allar heimadystir bæði í landskappingini og steypakappingini.

Kostnaðurin fyri árskortið er 1.000 kr.

Tó kunnu limir keypa árskortið fyri 900 kr. Tað krevur, at tú keypir árskortið samstundis sum tú rindar limagjaldið. Sí "Vanligir limir (ikki aktivir - hvílandi)"