EB/Streymur og HB hava gjørt eina leigu avtalu sum inniber at 19 ára gamli Niklas T. Kruse er aftur í barndómsfelagnum.

Niklas er ein sera skjótur og farligur áleypari. Í fjør valdi hann at royna eydnuna í HB, har fekk hann fýra dystir fyri Betriliðið, tveir í Betrideildini og tveir í steypakappingini og í hesum fýra dystunum fekk hann trý mál. Niklas hevur, aðrenn hann fór til HB, leikt 18 dystir fyri betriliðið hjá okkum og skorað 8 mál.

Vit ynskja Niklasi vælafturkomnan til EB/Streym og bestu eydnu í kappingarárinum.