Starvsnevndin umskipað

11. februar 2021

Herfyri var hálvárligi aðalfundurin hjá EB/Streymi í Hólmanum á Eiði. Bert tvey føst evni eru á vár-aðalfundinum; framløga av roknskapi og val av grannskoðara.

Nevndin legði fram ársroknskap fyri 2020, sum vísti eitt gott rakstrarúrslit og góða fíggjarstøðu. Ársroknskapurin varð einmælt góðkendur av aðalfundinum. 

Á aðalfundinum boðaði Eyðstein Zachariasen, sum higartil hevur verið varaformaður í felagnum frá, at hann tekur seg úr nevndini. Í nevndina í hansara stað kemur Ólavur Høghamar Ejdesgaard, sum er fyrstvaldi tiltakslimur.

Orsøkin til hetta skiftið er, at Eyðstein á kommunuvalinum í november varð valdur í býráðið í Sunda kommunu, har hann millum annað er varaborgarstjóri og formaður í trivnaðarnevndini. Fyri at einki ivamál skal vera um gegnið hjá Eyðsteini, hevur hann altso valt at fara úr starvsnevndini hjá EB/Streymi. Eyðstein hevur tó lovað okkum, at hann er fúsur at hjálpa um felagið heitur á hann í sambandi við tiltøk og annað.

Vit fara hervið at nýta høvið at takka Eyðstein fyri tað stóra arbeiðið hann hevur gjørt fyri felagið hesa lutfalsliga stuttu tíðina hann hevur verið nevndarlimur.


Seinastu tíðindi

EB/Streymur - HB 0-1
13.05.2021
Mistu á stokkinum í Trongisvági
10.05.2021
EB/Streymur - HB 0-3
02.05.2021
EB/Streymur vann í Sørvági í "Fergie-time"
28.04.2021
Gamlir kenningar stempla inn
28.04.2021