Sarita og Marita fingið landsliðsboð

28. juli 2020

Í mai 2021 verður EM-endaspæl fyri U17-landslið við gentum í Føroyum, har føroyska landsliðið skal royna seg ímóti sjey av teimum fremstu fótbóltstjóðunum í Evropa. Sum liður í fyrireikingunum til hetta skal okkara landslið í døgunum 12. til 20. august á venjingarlegu í Danmark, har millum annað tríggir venjingardystir eru á skránni. 

Pauli Poulsen, venjari hjá U17-landsliðnum við gentum, hevur tikið út hópin, sum skal við á venjingarlegu, og teirra millum eru tvær úr EB/Streymi; Sarita Petersen og Marita Lisberg. Harafturat er Anna Katrina Mikkelsen úr Skála, sum spælir við okkara felagsliði hjá U18 gentum og kvinnum, eisini úttikin. 

Tær, sum eru úttiknar eru: Marita Lisberg og Sarita Petersen úr EB/Streymi, Anna Katrina Mikkelsen úr Skála, Victoria í Funningsstovu, Jasmin Darvishi, Jovina av Skarði og Ester Ellingsgaard úr B36, Rakul í Soylu úr AB, Gunnvá Lútzen, Ida Mercy Chukwudi og Sára Jespersen úr HB, Maria Johansen úr NSÍ, Brynhild Janusardóttir og Rakul Sørensen úr Víkingi, Jórun Patawary, Anitha á Dalinum og Jancy Mohr úr KÍ og Kristina Nattestad úr 07 Vestur.

Áðrenn fráferðina til Danmarkar eru fimm venjingar á skránni. Tær eru í Havn, á Toftum, í Miðvági og í Leirvík.

EM-endaspælið komandi ár verður spælt frá 2. til 14. mai.


Seinastu tíðindi

Javnur dystur hóast 4-1 tap
19.09.2020
Beiskur biti eftir góðkent avrik
13.09.2020
Takk fyri stuðulin
09.09.2020
Lea Lisberg fingið landsliðsboð
07.09.2020
Stuðulsrenningin verður í morgin
07.09.2020