EB/Streymur

Ársaðalfundur

Boðað verður til regluligan ársaðalfund í felagshølunum við Margáir (Streymnesvegur 114) í Streymnesi týskvøldið 7. feburar 2017, kl. 19.00.

Skrá:

* Val av fundarstjóra. 
* Frágreiðing nevndarinnar fyri farna árið. 
* Framløga av roknskapi og fíggjarstøðu til góðkenningar. 
* Val av nevndarlimum og tiltakslimum. 
* Val av grannskoðara. 
* Innkomin mál. 
* Ymiskt.

Mál, sum limir vilja hava til viðgerðar, skulu vera nevndini í hendi í minsta lagi 10 dagar undan aðalfundinum.

Streymnes, 20. januar 2017

EB/Streymur

Nevndin 

Last Updated on fríggjadagin, 20. januar 2017 23:19

Sæð: 1179 ferðir

Dan í Soylu til EB/Streym

EB/Streymur hevur í dag gjørt sáttmála við miðvallaran Dan í Soylu.

20 ára gamli Dan í Soylu hevur barnaárini spælt við B71, og hann spældi við 1. dield hjá B71 í 2012 og 2013. Harafturat spældi hann seinna helming av 2013 og í 2014 við U18 liðnum hjá HB.

Í 2014 og í 2015r hevur hann so spælt við AB, fyri tað mesta við 1. deild, men hevur eisini leikt fleiri dystir í Effodeildini fyri AB. í 2016 hevur hann verið fastur partur av Effoliðnum hjá AB, og komandi ár skal hann so royna seg í blá/svørtu troyggjuni í Effodeildini.

Vit ynskja Dan væl komnan til EB/Streym!

Last Updated on hósdagin, 29. desember 2016 21:21

Sæð: 1277 ferðir

Okkara Leif verður sjálvandi eisini við í 2017

EB/Streymur hevur í dag gjørt nýggjan sáttmála við okkara egna Leif Niclasen.

Leif hevur frá barnsbeini spælt við EB/Streymi, og hevur verið týðandi partur av okkara besta liði seinastu nógvu árini.

Í ár slóg hann metið sum nógv mest skorðandi í fyrstu deild nakrantíð við sínum 36 málum, og harumframt bleiv Leif á ársveitsluni hjá felagnum kosin ársins spælari.

Vit ynskja Leif allarbestu eydnu í 2017!

Last Updated on mikudagin, 28. desember 2016 21:40

Sæð: 1496 ferðir

So var nr. 19 í pottinum eisini

EB/Streymur hevur í dag longt sáttmálan við Arnar Dam, so hann verður eisini partur av hópi okkara komandi ár.

Arnar er uppvaksin í felagnum og hevur altíð spælt her, burtursæð frá einum stuttum skifti í 2008, tá hann var í ÍF. Har spældi hann 4 dystir við teirra 2. Deildarliði, men frá august 2008 hevur hann bara umboðað EB/Streym.

Í ár bleiv tað so til 25 dystir og 10 mál, so tað er gott útgangstøði til komandi ár, nú vit aftur skulu royna okkum í Effodeildini.

 

Vit ynskja Arnar góða eydnu komandi ár!

Last Updated on mikudagin, 21. desember 2016 16:14

Sæð: 1243 ferðir

Forritað hevur Menning.fo

Top Desktop version