EB/Streymur

Tóki gjørt nýggjan sáttmála

EB/Streymur hevur um dagarnar gjørt nýggjan sáttmála við Tóka H. Johannesen.

Upprunaliga var sáttmáli við Tóka fyri bæði 2016 og 2017, men báðir partar vóru samdir um at gera nakrar tillagingar í sáttmálanum.

19 ára gamli oyrarbakkamaðurin hevur altíð verið í EB/Streymi, og í 2016 spældi hann við í 32 dystum, flestu í 2. dield og U18, men harafturat bleiv tað til 10 landskappingardystir og ein steypadyst við besta liðnum.

Vit ynskja Tóka bestu eydnu!

Last Updated on týsdagin, 20. desember 2016 15:08

Sæð: 1439 ferðir

Ári Kruse gjørt sáttmála

EB/Streymur hevur nú eisini gjørt sáttmála við Ára Kruse.

20 ára gamli eiðismaðurin hevur altíð spælt við EB/Streymi, og nú hevur felagið so valt at gera sáttmála við hann fyri komandi ár.

Ári spældi við 18 dystir í ár, flestu teirra við 2. deildarliðnum, men harafturat fekk hann 4 landskappingardystir og ein steypadyst við besta liði okkara.

Vit ynskja Ára góða eydnu komandi ár!

Last Updated on týsdagin, 20. desember 2016 14:55

Sæð: 1496 ferðir

Petur gjørt sáttmála

EB/Streymur hevur gjørt sáttmála við okkara egna Petur Zachariasen.

21 ára gamli Petur hevur altíð spælt fyri EB/Streym, og í ár hevur hann leikt 22 dystir fyri felagið, 14 á 2. deildarliðnum og 8 í fyrstu deild.

Ein partur av ætlan felagsins er at gera nýtslu av egnum leikarum, og Petur hevur góð evnir, og vit ivast ikki í, at hann fer at mennast enn meira saman við hópinum í Effodeildini.

Vit ynskja Petur góða eydnu!

Last Updated on týsdagin, 20. desember 2016 14:43

Sæð: 1481 ferðir

Rói Zachariasen til EB/Streym

EB/Streymur hevur í kvøld gjørt sáttmála við Róa Zachariasen.

Rói er argjamaður, men hevur eisini røtur norður í Sundalagið. Hann er fyri tað mesta uppvaksin í AB, men hevur sum smádrongur spælt eitt ár við EB/Streymi.

Nú vendur hesin ungi evnagóði málmaðurin norður aftur til EB/Streym, og tað eru vit sera fegin um.

Rói hevur farna kappingarár spælt 22 dystir við AB, teir flestu við U18, men eisini nakrar við 1. deild.

Sáttmálin við Róa er fyri 2017 og 2018.

Vit ynskja Róa væl afturkomnan til EB/Streym!

Last Updated on mánadagin, 19. desember 2016 22:34

Sæð: 1499 ferðir

Forritað hevur Menning.fo

Top Desktop version